沙田區議員 「冧友」後爆退會潮

http://orientaldaily.on.cc/cnt/news/20160403/00176_095.html

喺建制派同泛民主派議員人數相若嘅沙田同深水埗區議會,所有區議員都全數加入區議會轄下嘅委員會,企圖爭奪委員會主席之位。不過,當大部分委員會主席職位塵埃落定後,沙田區議會竟驚現退會潮,建制同泛民都分別有區議員退出不同委員會。有地區人士就批評退會行動無政治道德,質疑只為主席之位,無視議員責任。
被批無政治道德
根據沙田區議會文件,民主黨區議員鄭則文同建制獨立議員蕭顯航早前去信區議會,要求退出教育及福利委員會;而蕭顯航更同時退出財務及常務委員會。有地區人士指,呢個係「冧友」選主席之後嘅常見現象,批評退會無政治道德,認為議員有責任開會,唔可以做地區事務為由逃避,又指會議時有議員請假,唔係非退委員會不可。

蕭顯航解釋,當選後多咗很多公職,包括出任青年會、醫院管理局嘅區議會代表,而上述嘅公職開會時間與委員會開會時間相撞,故不得不退會。佢又話教育及福利委員會、財務及常務委員會唔係討論啲咩大事,有時間會重新加入。

同樣係泛民建制角力嚴重嘅深水埗區議會,主席張永森則指,未有議員聲稱要退出委員會。民協區議員譚國僑分析,部分委員會和工作小組仍要選舉增選委員,估計建制派暫時唔會輕易退會,同時避免畀泛民有機可乘。

文章分類 Uncategorized